關於我： 一個多肉狂熱份子 大家好，我係Jerry，係一個普通大學生，我種多肉嘅年資係十年~我由小五種到而家升上大學，好記得一開始好鐘意仙人掌，之後到塊根，最後而家係肉錐，霧冰玉，彈弓草同其他球根多肉，走呢條路嘅過程真係好難忘：當中有成功，有失敗。 我建立呢個網頁主要係分享自己養植物嘅心得，亦會間唔時將我嘅成果分享比大家，希望大家都可以體會到種植嘅樂趣！ 睇下啫喱啲多肉
對環境的承諾 現時，多肉植物野採嘅情況越見猖獗。歸根究底，多肉植物被野採嘅原因係因為有好多人都會購買野採植物。有需求，自然就會有供應。 呢個問題好值得我地嘅重視，因為有好多品種都因為過度採挖面臨絕種嘅危機。跟據非正式嘅調查，有一啲品種已經喺野外絕跡。 啫喱喺呢度同大家保證，為咗保護我地嘅環境，本網站嘅商店係無野貨商店，所出售嘅植物都係由啫喱親手種大嘅園藝植物。本人好希望盡自己一分綿力去推廣園藝植物，以減低對野採植物嘅需求，從而做好環境保育。 杜絕野貨，由你我做起
